當你唔舒服, 當你整親, 當你病個時, 我會好擔心你, 好緊張你, 好關心你.
但當我病個時, 你會唔會都有一個同我一樣o既心呢? 一樣會好擔心, 好緊張我.....
今個星期o既心情好飄忽, 有開心o既心情 + 期待o既心情 + 一點點o既唔開心 + 擔心....
開心o既心情 -
- 聽到部份好友o既新動向, 不期然都登佢地開心埋, 返新工 + 轉新工 + 返新學 + 入學堂, 希望各人係新環境都有新o既發展啦~
期待o既心情 -
- 期待著書展, 唔知買唔買到書呢?
- 期待著一 d 想睇o既電影, 唔知睇唔睇到呢?
- 期待著星期六日o既來臨, 真係好想訓個夠.....
- 期待著比賽o既來臨, 但又好緊張...
- 期待著 25 號........因為........可以令我o既銀包有返少少安全感
- 期待著星期日o既 family day, 唔知可唔可以去到我想去o既地方呢?
一點點o既唔開心 -
- 本以為今日返到屋企可以睇返今晚錄左o既"高朋滿座", 但.....柴媽媽竟然話我知部錄影機壞左...........天呀.........唔係卦..........我點睇帶 + 錄電視呀.....
- 家中的小盆栽 "咩"哂 + 黃左, 要修修佢..
擔心 -
- 腰患好好多, 但有時會好累, 幾時先可以好返哂呢?? 但又好驚比賽時又整親
- 阿姨下星期入院, 依幾日聽佢講痛到行唔到.....
- 擔心我o既工作量, 本以為有少少時間可以唔駛咁緊張.......但 "傑神" + "犀牛" + "士吉署" d "催 so" 又黎啦....
依兩日真係做到人都傻左, 返工之前個天好光, 放工個時個天已經勁黑, 真係做到不知天昏地暗.....
因為工作, 忽略了家人, 朋友同周生, 真的不好意思 + 內疚.....
- 這兩晚跟媽媽的對話總數都不多過十句, 對上一次見媽媽已經係星期三晚. 幸好今晚可以同佢閒談一個多小時, 感覺很好, 很温暖
- 爸爸打俾我, 我係聽多過回應, 只記得自己講過:[哦 / 無事 / byebye] + 自己o既語氣又唔係咁好....sorry,因為真係好累....我諗我應該俾多少少時間你
- 朋友打俾我問路, 好快就答完佢, 仲好快咁叫佢問第二個, sorry 我應該詳細 d
- 星期二知道阿姨下星期要入院, 到左今日先有時間打去問候, 之前以為係小手術, 後來先知道原來係大手術 + 可能有後遺症 (若然後遺症真的出現o既話, 對於鐘意行山同打波o既阿姨, 的確會有點不便), 心突然嚇了一嚇, 驚了一驚, 希望我可以抽到時間去探佢同埋希望佢快 d 好返
- 周生, 同你見面o既時間愈來愈少, 由 7 個鐘跌到落去昨日o既 4 個鐘.....再係咁樣落去真係唔多掂.....今日要補償返先
寄望下星期唔好再係咁啦……
今日忙於工作, 直到 9 點半先走人. 返到屋企突然覺得媽媽對我特別好, 不知為何, 令我產生了奇怪的感覺.....
1.) 未返到屋企之前, 佢打左 3 次電話俾我, 問我返去未 (平時只會打一次)
2.) 佢竟然開定門 + 滿面笑容咁等我 (平時又點會咁做呢?)
3.) 開定電腦, 幫我叮湯叮飯 (平時都係我自己做)
4.) 又提我有生果食 (平時唔會提)
5.) 又問我條腰點
6.) 又幫我 y 定錄影帶
以上突然轉變o既舉動, 真的好奇怪, 奇怪到令我有點唔慣....唔通俾 VIP 訓話完??
p.s. 多謝各方好友對我條腰o既關心同擔心, 放心啦, 無事啦, 好好多, 希望可以快 d 行得快 d 啦~
今個星期有好多突破野, 好多第一次
1.) 第一次踩咁大隻腳落去搞"白沙", 真係一口都係沙...
2.) 第一次要應付一個勁無禮貌 + 勁煩o既人 
3.) 又接返 "踢化", 要搞 catalogue, 但第一次要自己由頭做本 catalogue 出黎
4.) 第一次要幫"踢化" catalogue 譯中文, 唔係卦, 好震驚....
5.) 第一次領略腰痛, 真係一 d 都唔好受, 行步路都要細步 d 同輕力 d 
6.) 第一次睇跌打, 仲要睇腰...痛.....
7.) 第一次俾蚊連環咬膞頭 (共 5 粒) 
8.) 第一次跟公主返小組, 心情真係好緊張
9.) 第一次見公主咁正經
10.) 第一次同咁多人講自己野, 內歛o既我有點唔係咁習慣, 好緊張-手汗...
